इटहरी : इटहरीमा सडक चिप्लो भएका कारण मोटरसाइकल दुर्घटना हुँदा एकको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार सोमबार (हिजो) राति ९ बजे इटहरी १७ स्थित पूर्व–पश्चिम राजमार्गमा मोटरसाइकलले सिटी सफारीलाई ठक्कर दिएको थियो ।
पश्चिमतर्फ जादै गरेको प्र १–०२–००३ ह ३०८७ नम्बरको सिटी सफारीलाई बिपरीत दिशाबाट आउँदै गरेको को ४ प ६८९३ नम्बरको मोटरसाइकलले ठक्कर दिँदा मोटरसाइकल चालक सुनसरीको रामधुनी १ बस्ने २२ वर्षीय मुकेश सरदारको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको राति ११ः५ बजे मृत्यु भएको प्रहरीले जनाएको छ । मोटरसाइकलमा पछाडि सवार रहेका रामधुनीकै २२ वर्षीय नबिन सरदार र १८ वर्षीय अविशेक सरदार घाइते भएका छन् । उनीहरूको उपचार भइरहेको प्रहरीले जनाएको छ । उक्त मोटरसाइकलमा तीनजना सवार रहेको प्रहरीले जनाएको छ ।
सिटी र सिटी चालक सुनसरीको इनरुवा ८ बस्ने वर्ष ४० को गणेश महतो इलाका प्रहरी कार्याल पकलीको नियन्त्रणमा रहेका छन् । मोटरसाइकल चालकको साथमा सवारी चालक अनुमति पत्र समेत नभएको प्रहरीले जनाएको छ ।
सडक चिप्लो भएको समयमा तीव्र गतिमा मोटरसाइलक चलाउँदा दुर्घटना भएको प्रहरीको प्रारम्भिक अनुसन्धानबाट खुलेको छ ।
Discussion about this post