सुनसरी : सुनसरीको कोशी गाउँपालिका ८ भण्टाबारी चोकस्थित पूर्व–पश्चिम राजमार्गमा अनटेस्ट स्कुटर आफैँ अनियन्त्रित भइ दुर्घटना हुँदा चालकको मृत्यु भएको छ ।
मृत्यु हुनेमा झापा दमक नगरपालिका १ की २६ वर्षीया सासा लिम्बू रहेकी छन् । पूर्वबाट पश्चिमतर्फ जाँदै गर्दा स्कुटर आफैँ अनियन्त्रित भइ दुर्घटना हुँदा गम्भीर घाइते भएकी लिम्बूको न्यूरो अस्पताल विराटनगरमा उपचारको क्रममा मृत्यु भएको प्रहरीले जनाएको छ ।
दुर्घटनामा स्कुटर पछाडि सवार रहेकी झापा बुद्दशान्ति गाउँपालिका १ की २७ वर्षीया रेनु गुरुङ भने सामान्य रहेको जिल्ला प्रहरी कार्यालय सुनसरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
Discussion about this post