इटहरी : इटहरीमा बस र पिकअप एकआपसमा ठक्कर हुँदा दुर्घटना भएको छ । दुर्घटनामा एकजना गम्भीर घाइते भएका छन् भने पाँचजना घाइते भएका छन् ।
पूर्व क्षेत्रीय ट्राफिक प्रहरी कार्यालय इटहरीका अनुसार आज (सोमबार) बिहान साढे ४ बजे इटहरी १ आँपगाछीस्थित इटहरीबाट धरानतर्फ आउँदै गरेको प्र १–०–२००१ ख ८४१२ नं बसले को १ च ६५३२ नं को पिकअपलाई जोगाउने क्रममा पिकअपमा ठक्कर भएर दुर्घटना भएको थियो ।
दुर्घटनामा डिभाइडरमा ठक्कर हुँदा बसमा सवार सप्तरी अग्निसार बस्ने वर्ष ४१ को शिवराम चौधरी, गम्भीर घाइते भएका छन् । उनको उपचारका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।
यस्तै, घाइतेहरूमा धरान ६ बस्ने वर्ष २३ को सूर्य निरौला, मोरङ बेलबारी ५ बस्ने वर्ष २९ को डम्बरबहादुर बन, भोजपुर षडानन्द ११ बस्ने वर्ष ३८ को शेरबहादुर कार्की कार्कीकै श्रीमती वर्ष ३५ की श्रृजना कार्की र सुनसरी बराहक्षेत्र ३ बस्ने वर्ष ४० को नगेन्द्र बस्नेत घाइते भएका छन् । उनीहरूको उपचार भइरहेको प्रहरीले जनाएको छ ।
तीव्र गतिका कारण दुर्घटना भएको प्रारम्भिक अनुसन्धानबाट खुलेको छ ।
Discussion about this post