इटहरी : असोज २८ गतेदेखि गण्डकी प्रदेशको पोखरामा हुन लागेको ९ औं राष्ट्रिय खेलकुद प्रतियोगिताको लागि शुक्रबार धरानमा साइक्लिङको प्रदेश १ स्तरीय छनौट प्रतियोगितामा डाउल हिलतर्फ महिला पुरुष दुवैमा सुनसरी प्रथम भएको छ ।
प्रदेश खेलकुद बोर्डले प्रदेश १ भरीकै साइक्लिङ्गमा जिल्ला छनौट बाट आएका खेलाडीहरूको धरान १४ विजयपुरस्थित पञ्चकन्या जङ्गलमा छनौट प्रतियोगिता भएको आयोजना गरेको हो । प्रतियोगितालाई सुनसरी साइक्लिङ्ग संघले व्यवस्थापन गरेको थियो ।
प्रतियोगितामा सुनसरीसँगै मोरङ, झापा, इलाम, ओखलढुङ्गालगायत जिल्लाबाट करिब ४ दर्जन महिला तथा पुरुष खेलाडीहरू सहभागी भएको सुनसरी साइक्लिङका लागि संयोजक तथा प्रदेश खेलकुद विकास बोर्डकी सदस्य रोशनी राईले जानकारी दिइन् ।
छनौट प्रतियोगिता डाउनहिल र क्रस कन्ट्री विधाको भएको थियो । डाउन हिलमा पुरुषतर्फ सुनसरीका दीपक जिमी प्रथम, सौगात मगर दोस्रो, समृद्ध लिम्बू तेस्रो र उदयपुरका अवतार राई चौथो हुदै छनौट भएका छन् ।
महिलातर्फ सुनसरीकी आशा लिम्बू, इन्द्रकला लिम्बू (निक्की) र इलामकी तेसिका राई क्रमशः प्रथम, दोस्रो र तेस्रो हुदै छनौट भएकी छिन् ।
यस्तै, क्रस कन्ट्री विधाको पुरुषमा सुनसरीका किरण लिम्बू प्रथम, उदयपुरका नीमा शेर्पा दोस्रो, ओखलढुंगाका विश्वास राई तेस्रो र उदयपुरका अवतार राई चौथो भएका छन् । महिलातर्फ क्रसकन्ट्रीमा इन्द्रकला लिम्बू (निक्कीं प्रथम भइन् भने आशा लिम्बु दोस्रो भइन्
।
Discussion about this post