सुनसरीमा नक्कली पेस्तोल देखाएर फेसबुकमा फोटो राख्ने दुई पक्राउ

इटहरी : सुनसरीमा नक्कली पेस्तोल देखाएर फेसबुकमा फोटो राख्ने दुईजनालाई प्रहरीले पक्राउ गरेको छ ।

जिल्ला प्रहरी कार्यालय सुनसरीका अुनसार जिल्लाको हरिनगर गाउँपालिका १ का अमर कुमार गुप्ता र रोशन सोडाकारलाई पक्राउ गरिएको हो ।

इटालियन पेस्तोल जस्तो देखिने हतियारसहितको फोटो फेसबुकमा राखेको आरोपमा उनीहरूलाई पक्राउ गरिएको प्रहरीले जनाएको छ ।

पक्राउ परेका दुवैजनामाथि थप अनुसन्धान भइरहेको प्रहरीले जनाएको छ ।