विराटनगरमा जेसीजको शुभकामना तथा भित्ते पात्रो विमोचन, जेहन्दार विद्यार्थीलाई छात्रवृत्ति दिइने

विराटनगर :  विराटनगर जेसीजले नयाँ वर्ष २०८० को अवसरमा शुभकामना आदानप्रदान तथा भित्ते पात्रो विमोचन गरेको छ ।

प्रतिनिधिसभा सदस्य योगेन्द्र मण्डलको प्रमुख आतिथ्य तथा विराटनगर जेसीज वर्ष २०२३ का अध्यक्ष अभिनाष थापाको अध्यक्षतामा कार्यक्रम सम्पन्न भएको थियो ।

अध्यक्ष थापाले भित्रे पात्रो प्रकाशनमार्फत आएको विज्ञापन बापतको रकमबाट विराटनगरको भुमी प्रशासन चोकमा रहेको स्तम्भमा क्लक टावरको निर्माण गरिने जानकारी दिए ।

यस्तै, बाल सदनमा हरेक वर्ष जेहेनदार तीन जना विद्यार्थीहरूलाई क्षमताका आधारमा छनोट गरी छात्रवृत्ति प्रदान गरिने उनले बताए ।

केही दिनअघि दिवङ्गत भएका चन्द्रनिगाहपुर सिटि जेसिजका पूूर्व अध्यक्ष उज्वल रिजालको परिवारलाई समेत केही रकम सहयोग गर्ने उनको भनाइ छ।

कार्यक्रमका प्रमुख अतिथि मण्डलले युवाहरू सामाजिक काममा मात्र नभएर देशको अवस्था सुधार ल्याउनका लागि राजनीतिमा समेत अगाडि बढ्नुपर्ने बताए ।