इटहरी : वन कायार्लयले आफ्ना सवारी साधन नियन्त्रणमा लिएपछि इटहरी उपमहानगरपालिकाको कार्यपालिकाको बैठक आकस्मिक बसेको छ ।
बैठकले मिक्सगिटी उठाउने क्रममा समातिएका आफ्ना सवारी साधन र चालकहरूको बिना सर्त रिहाइको माग गरेको छ ।
बैठकमा कार्यपालिका सदस्यहरूले घटनाको घोर भत्सर्ना गर्दै कार्यपालिकाबाट पास भएरै मिक्सगिटी निकालेकोले वनको हस्तक्षेपले विकासलाई अवरोध गरेको प्रतिक्रिया दिए ।
कार्यपालिका सदस्यहरुले २४ घण्टाभित्र माग सम्बोधन नभए आन्दोलनमा उत्रने चेतावनी दिएका छन् ।
यता जिल्ला वन डिभिजन कार्यालयले भने नियमविपरीत भइरहेको खोला उत्खनन रोक्न पटकपटक अनुरोध गर्दा पनि उपमहानगरले अटेर गरेपछि नियन्त्रणमा लिएको जनाएको छ ।
शुक्रबार सुनसरी प्रहरीको सहयोगमा वन कार्यलयले ५ वटा टिपर खोला छेउबाट नियन्त्रणमा लिएको थियो । वन कार्यालयले को १ ख ६३७९, ६३३५, ७१३०, ६५९९ र प्र–१–०२–००१ क ४०१३ नम्बरको टिपर नियन्त्रणमा लिएको हो ।
Discussion about this post