इटहरी : इटहरी ३ मा रहेको सरस्वती माविमा भएको रक्तदान कार्यक्रममा ५८ पिन्ट रगत संकलन भएको छ ।
नेपाल जुनियर रेडक्रस सर्कल सरस्वती माविद्वारा आयोजित रक्तदानमा ५८ पिन्ट रगत संकलन भएको हो । ६१ औँ रेडक्रस दिवसको अवसर पारेर आयोजित कार्यक्रममा इटहरी ३ का वडाध्यक्ष उमेश सुवेदी प्रमुख अतिथि थिए ।
रेडक्रस इटहरी सभापति दिनेश भट्टराईको सभाध्यक्षतामा सम्पन्न कार्यक्रममा जुनियर रेडक्रस सर्कल सरस्वती माविका अध्यक्ष खगेन्द्र विश्वकर्माले प्रकाश पारेका थिए ।
चिन्तामणी कार्कीको संयोजकत्वमा कार्यक्रम सम्पन्न भएको हो ।
Discussion about this post