इटहरी : इटहरी उपमहानगरपालिकाले यहाँका निजी विद्यालयलाई थप व्यवस्थित गर्दै लैजाने भएको छ ।
निजी विद्यालयमा कार्यरत शिक्षकहरूको शैक्षिक विवरण, नियुक्ति पत्र लगायतका कागजात सात दिनभित्र बुझाउन पत्राचार गरिएको छ ।
उपमहानगरले निजी विद्यालयमा कार्यरत कर्मचारी तथा शिक्षकहरूको नियुक्ति पत्र, अध्यापन अनुमति पत्र, प्र.अ नियुक्तिको पत्र र शैक्षिक योग्यताको विवरण माग गरेको हो ।
निजी स्कुलहरूले आफ्नो स्कुलमा कार्यरत शिक्षकहरूलाई नियुक्ति पत्र नदिएको, सरकारले तोकेको पारिश्रमिक नदिएको गुनासो बढेको भन्दै उपमहानगरले परिपत्र गरेको हो ।
शिक्षा युवा तथा खेलकुद शाखाले सात दिनभित्र विवरण उपलब्ध गराउन पत्राचार गरेको शिक्षा युवा तथा खेलकुद शाखाका प्रमुख द्रोणप्रसाद दाहालले जानकारी दिए ।
सरकारले तोकेको मापदण्ड अनुसार तलब दिनुपर्ने र बुझाएको विवरणसमेत माग गरिएको उनको भनाइ छ ।
Discussion about this post