चट्याङ लागेर एकको मृत्यु

ओखलढुङ्गा : ओखलढुङ्गाको खिजिदेम्बा गाउँपालिका ४ स्थितमा चट्याङ लागेर एकजना पुरुषको मृत्यु भएको छ ।

मृत्यु हुनेमा स्थानीय ३८ वर्षीय बोमनबहादुर तामाङ रहेका छन् ।

घरमा बसिरहेको अवस्थामा बर्षातसँगै परेको चट्याङले लागेर घाइते भएका तामाङलाई उपचारको लागि स्थानीय स्वास्थ्य चौकी लगिएकोमा स्वास्थ्य चौकीमा पुर्‍याउनासाथ उनको मृत्यु भएको हो ।

घटनाबारे थप अनुसन्धान भइरहेको प्रहरीले जनाएको छ ।