धरान : धरानमा गाँजासहित एक युवक पक्राउ परेका छन् ।
धरान उपमहानगरपालिका वडा नं. ४ लामाचौरस्थितमा अस्थायी प्रहरी चौकी पत्रङबारी धरानबाट खटिएको प्रहरी गस्ती टोलीले धनकुटाबाट धरानतर्फ आउँदै गरेको बा ४२ प ९८३६ नम्बरको मोटरसाइकललाई शंका लागेर चेकजाँच गर्दा मोटरसाइकल पछाडि जेब्रा झोलाभित्र सेतो प्याक गरी ल्याउँदै गरेको अवस्थामा लागूऔषध गाँजा १५ केजीसहित पक्राउ गरेको हो ।
पक्राउ पर्नेमा धनकुटाको चौबिसे गाउँपालिका वडा नं. ३ बस्ने १९ वर्षीय सुजन राई रहेका छन् । उनलाई मोटरसाइकलसहित प्रहरीले नियन्त्रणमा लिएको हो ।
पक्राउ परेका राईमाथि सुनसरी जिल्ला अदालतबाट म्याद थप गरी आवश्यक अनुसन्धान भइरहेको प्रहरीले जनाएको छ ।
Discussion about this post