मोरङ : मोरङको केराबारी गाउँपालिका–७ स्थित मुगु मेडिकलबाट प्रतिबन्धित लागूऔषधसहित मेडिकल सञ्चालक पक्राउ परेका छन्।
इलाका प्रहरी कार्यालय केराबारी र लागूऔषध नियन्त्रण ब्यूरो विराटनगरबाट खटिएको प्रहरी टोलीले विशेष सूचनाको आधारमा गरिएको खानतलासीमा ४,५०० ट्याब्लेट डिकोलिक र ४,५०० ट्याब्लेट ट्रामाडोल बरामद गरेको हो।
पक्राउ पर्ने व्यक्ति २८ वर्षीय मनिष कुँवर हुन् । उनी बेलबारी नगरपालिका–८ निवासी रहेको प्रहरीले जनाएको छ।
बरामद औषधी लुकाइछिपाई राखिएको अवस्थामा फेला परेको थियो। उक्त औषधीहरू प्रतिबन्धित लागूऔषधको सूचीमा परेका छन् ।
पक्राउ परेका कुँवरविरुद्ध लागूऔषध सम्बन्धी मुद्दा दर्ता गरी थप अनुसन्धान भइरहेको जिल्ला प्रहरी कार्यालय मोरङले जनाएको छ।
Discussion about this post