सुनसरीको भोक्राहा नर्सिङ गाँउपालिका ४ मा पिकअपको ठक्करबाट मोटरसाईकल चालकको मृत्यु भएको छ ।
भोक्राहा नर्सिङ ६ बस्ने २६ बर्षीय जगदेव मेहताको मृत्यु भएको हो ।
पश्चिम तर्फ जादैँ गरेको बा २१ च ५६९४ नम्बरको पिकअपले बिपरीत दिशाबाट आईरहेको को ३८ प ३४६६ नम्बरको मोटरसाईकललाई ठक्कर दिदाँ मोटरसाईकल चालक मेहता गम्भीर घाईते भएका थिए ।
उनको जिल्ला अस्पताल ईनरुवामा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ ।
ठक्कर दिने गाडी र चालक सिन्धुली बस्ने सन्तबहादुर पुलामी मगर नियन्त्रणमा रहेको प्रहरीले जनाएको छ ।
Discussion about this post