विराटनगर : झापा र मोरङ जिल्लाको दुई छुट्टाछुट्टै स्थानबाट लागूऔषध ब्राउनसुगर र प्रतिबन्धित औषधीसहित चार जनालाई प्रहरीले पक्राउ गरेको छ ।
झापाको गौरीगञ्ज गाउँपालिका २ स्थितमा चेकजाँचको क्रममा १५ ग्राम ५१० मिलिग्राम ब्राउनसुगरसहित मोरङ रतुवामाई नगरपालिका ३ का विमल कामत र दमक नगरपालिका ८ का चन्दन रायलाई प्रहरी चौकी कोरोबारीले नियन्त्रणमा लिएको छ ।
त्यसैगरी इलाका प्रहरी कार्यालय विराटचौक मोरङले प्रतिबन्धित औषधी ट्रमाडोल ९२ चक्की र डिकोलिक १०२ चक्कीसहित सुन्दरहरैँचा नगरपालिका १० की ज्ञानी राई र सुन्दरहरैँचा नगरपालिका १२ का अमृत चौधरीलाई पक्राउ गरको छ ।
पक्राउ परेका चारै जनामाथि थप अनुसन्धान भइरहेको प्रहरीले जनाएको छ ।
Discussion about this post