इटहरी : झापा र मोरङबाट लागूऔषध ब्राउनसुगर र प्रतिबन्धित औषधीसहित पाँच जनालाई प्रहरीले पक्राउ गरेको छ।
झापाको मेचीनगर नगरपालिका–६ स्थितमा लागूऔषध नियन्त्रण ब्यूरो काँकडभिट्टाबाट खटिएको टोलीले चेकजाँचका क्रममा दमक नगरपालिका–५ का ३१ वर्षीय राजु श्रेष्ठलाई ४५ ग्राम ९३० मिलिग्राम ब्राउनसुगरसहित नियन्त्रणमा लिएको छ।
यस्तै, झापाको भद्रपुर–५ बाट वडा प्रहरी कार्यालय भद्रपुरले भद्रपुर–४ का ३० वर्षीय पुरण विश्वकर्मालाई २ ग्राम १३० मिलिग्राम ब्राउनसुगरसहित नियन्त्रणमा लिएको हो।
यसैबीच प्रहरी चौकी चारआलीले मेचीनगर नगरपालिका–१३ बाट मेचीनगर–३ का ३० वर्षीय प्रशान्त सेन्चुरीलाई प्रतिबन्धित औषधी लोरी १६० ट्याब्लेट र ट्रामाडोल ६० ट्याब्लेटसहित पक्राउ गरेको छ।
त्यसैगरी, लागूऔषध नियन्त्रण ब्यूरो विराटनगरले को ४ प ७४२ नम्बरको मोटरसाइकल रोकेर चेकजाँच गर्दा सुन्दरहरैचा–१० का २८ वर्षीय सुशान्त पोखरेल र पछाडि सवार सुन्दरहरैचा–९ का ३८ वर्षीय चेवन धिमाललाई ११ ग्राम २२ मिलिग्राम ब्राउनसुगरसहित विराटनगर–१६ बाट पक्राउ गरेको जनाएको छ।
पक्राउ परेका सबैविरुद्ध लागूऔषध सम्बन्धी मुद्दामा आवश्यक अनुसन्धान भइरहेको प्रहरीले जनाएको छ।
Discussion about this post