इटहरी : इटहरी उपमहानगरपालिका–१३ स्थित छोटी पुल क्षेत्रमा लागूऔषध ओसार–पसार भइरहेको विशेष सूचनाका आधारमा प्रहरीले २०.४ किलो गाँजा बरामद गरेको छ।
प्रहरी चौकी खनारबाट खटिएको टोलीले शंका लागेर दुई मोटरसाइकल रोकेर चेकजाँच गर्दा गाँजा फेला परेको हो।
प्रहरीका अनुसार पक्राउ पर्नेमा धनकुटाको साँगुरीगढी–५ का ६५ वर्षीय भीम लिम्बू र तेह्रथुमका ३० वर्षीय ख्याम लिम्बू रहेका छन् ।
भीम सवार प्रदेश १–०२–०५७ प ५३२५ नम्बरको मोटरसाइकल चेकजाँच गर्दा १०.२२ किलो गाँजा बरामद गरिएको प्रहरीले जनाएको छ।
त्यसैगरी ख्याम सवार को २५ प १४३७ नम्बरको मोटरसाइकलबाट १०.१८ किलो गाँजा फेला परेको हो।
घटनास्थलमा दुवै मोटरसाइकलसहित उनीहरूलाई नियन्त्रणमा लिएर इलाका प्रहरी कार्यालय इटहरीमा ल्याइएको र थप अनुसन्धान जारी रहेको प्रहरी चौकी खनारले जनाएको छ।
Discussion about this post