इटहरी : दोस्रो तरहरा गोल्डकप अन्तर्गत सोमवारको खेलमा केराबारी फुटबल क्लब मोरङ विजयी भएको छ ।
योङ ब्रदर्श फुटबल क्लब इटहरीबीच भएको खेलमा केराबारीले १–० गोल गदै विजयी भएको हो ।
खेलको पहिलो हाफको २३ मिनेटमा केराबारी फुटबल क्लबको तर्फबाट विक्रम चेमजोङले निर्णायक गोल गरेका थिए ।
मंगलबारको खेलमा भने आयोजक योङ ब्वाईज फुटबल क्लब र खरखोला फुटबल क्लब बराहक्षेत्रबीच हुनेछ ।
प्रतियोगिताको विजेता टोलीले १ लाख ११ हजार १ सय ११ रुपैयाँ र उपविजेता टोलीले ५५ हजार ५ सय ५५ रुपैयाँ नगद पुरस्कार प्राप्त गर्नेछन् ।
यसबाहेक उत्कृष्ट खेलाडी लगायतका विभिन्न उपाधिमा पनि पुरस्कार वितरण गरिने आयोजकले जनाएको छ ।
गोल्डकप १२ गते समापन हुनेछ । प्रतियोगिता तरहराको बहुभाषी खेलमैदानमा आयोजना गरिएको छ ।
स्थानीय तथा बाहिरका विभिन्न टोलीहरूको सहभागिता रहेको यस प्रतियोगिताले फुटबल प्रेमीहरूलाई उत्कृष्ट खेलको प्रदर्शन गराउने आयोजकले विश्वास व्यक्त गरेको छ ।
Discussion about this post