नेपाली कांग्रेस सुनसरीले इनरुवामा विशाल प्रदर्शन गरेको छ ।
कांग्रेस केन्दको निर्देशनअनुसार पार्टी कार्यालय सुनसरीले सोमबार विशाल प्रदर्शन गरेको हो ।
कांग्रेस समर्थनमा लागेको भीडले सरकारको चर्को आलोचना गरेका थिए । कार्यक्रममा कांग्रेसका केन्द्रिय सदस्य तथा पूर्व अर्थमन्त्री ज्ञानेन्द्र बहादुर कार्कीले दुइतिहाईको दम्बले नेकपाको सरकार जनताविरोधी रहेको बताए ।
उनले सरकारबाट जनता आजित भएको तर्क गर्दै अबको नेतृत्व कांग्रेसको विकल्प नरहेको बताए ।
मुलुकमा व्याप्त भ्रष्टाचार, महंगी, अन्याय र अत्याचारबाट जनता आजित भएको उदृत गर्दै उनले सरकारप्रति जनताको विश्वास गुमेको तर्क गरे ।
कार्यक्रममा प्रदेश १ का संसदीय दलका नेता समेत रहेका सुनसरीका पार्टी सभापति राजीब कोइरालाले भने कांंग्रेस प्रतिपक्षीको भूमिकामा रहेपनि सरकारले एकल निर्णयतर्फ उन्मुख भएको बताए ।
उनले आँफूहरुले सरकारलाई सच्चिन बारम्बार सचेत गराउँदै आएको भएपनि सरकार त्यसको विपरीत रहेको बताए ।
बिरोध सभामा सुनसरी क्षेत्र नं. २ बाट प्रतिनिधिसभा सदस्य रहेका सीताराम मेहता, इनरुवा नगरपालिकाका मेयर राजन मेहता लगायत आधा दर्जन बढी नेताहरुले सम्बोधन गरेका थिए ।
Discussion about this post