ए कोरोना
म तिम्रो स्वागतमा बसेको थिएँ
तिमीलाई स्पर्श गरौँला भनेको थिएँ
तर
तिमी त बिषाक्त भाइरस भएर जन्मियौ
धोकेबाज,
मेरो सुन्दर संसारलाई बज्रपात पारिदियौ
यस्तो थाहा हुन्थ्यो भने
म
तिम्री आमाको गर्भपतन गराउँने थिएँ
तिमी यस्तो कुलङ्घार हुन्छौ भन्ने थाहा भएको भए
म
त्यो
सहबास गर्ने थिईँन
मलाई थाहा हुन्छ भनेर
तिमी चाइनिज भएर जन्मियौ
अहिले
इटालियन, अमेरिकन भएर
हुर्कदैँ
नेपाली हनु खोजिरहेछौ
म तिमीलाई नेपाली भिषा दिदैँ दिन्न
बरु तिमीलाई
म यो धरतीबाट बिदा दिन्छु
मंगल ग्रहमा गएर
घर जम गर
ए कोरोना,
बरु म तिमीलाई बिष पिलाइदिन्छु
कारागार सहनु परे सहुँला
म यो सेल्फ क्वारेन्टाइन सहन्न
न हिँड्न पाइन्छ, न डुल्न पाइन्छ
मेरो रंगीन संसार तिम्रो कारणले
ब्ल्याक
एण्ड ह्वाइट हुँदैछ
कसम,
म तिम्रो निर्मम हत्या गर्छु
मैले बिताउँदै गरेका यी
हरेक पलहरु
सेनिटाइजरले सफा गर्दैछु
अब म सक्दिन
तिमीलाई स्वागत गर्न
र
सक्दिन म तिमीलाई स्पर्श गर्न…।
Discussion about this post