तिमीले मलाई छोडेर
आफ्नो बाटो यतै मोडेर
सपनाहरुको पखेटा हालेर
तिमीले रोजेको शहर
तिम्रै लागि रहेछ
हाँस्दा पनि तिम्रै मात्र हाँसो
गुञ्जिने यो शहर,
आपतमा, अरु सुत्नै नसक्दा
मस्त निदाउन सिपालु यो शहर
अरुको रुवाइमा चिरिने छाती
भएको म
मेरा लागि होइन रहेछ
तिमीले रोजेको शहर
तिम्रै लागि रहेछ
टाठाबाठाको मस्ती फल्ने
यो शहर
गरिबको चुलोमा पानी हाल्ने
यो शहर
हुस्की र डिस्कोमा रमाउने
यो शहर
गरिबको हाँसो र नासो टुटाउने
यो शहर
होला तिमीलाइ अमृत
मेरो लागी जहर
वास्तवमा कसैको पनि
हुँदैन यो शहर
अझ
मेरा लागि त हुँदै होइन रहेछ
तिमीले रोजेको शहर
तिम्रै लागि रहेछ ।
Discussion about this post