विराटनगर । आरोहण गुरुकुल विराटनगरमा प्रत्येक महिनाको पहिलो शनिबार हुने काव्यारोहणको चौथो श्रृङ्खलामा कवि मोमिला जोशीले आफ्ना कविता वाचन गरेकी छिन् ।
विराटनगरको सुशीला कोइराला नाटक घरमा प्रत्येक महिनाको पहिलो शनिबार आयोजना हुँदै आएको कविता श्रृङ्खलाको चौथो श्रृङ्खलामा कवि मोमिलाले आफ्ना दर्जन बढी कविता वाचन गरेकी हुन् ।
यसअघि कवि बैरागी काईँला, तुलसी दिवस र बम देवानले कविता वाचन गरिसकेका छन् । अग्रजहरुको सम्मानस्वरुप अग्रज श्रष्टालाई हरेक महिना उपस्थित गराइने कार्यक्रम संयोजक धीरज राईले बताए । कविताको क्षेत्रमा लामो समयदेखि कविता चलाउँदै आएका श्रष्टालाई कार्यक्रममा उभ्याईने कार्यक्रम सञ्चालक रमेशचन्द्र अधिकारीले बताए । उनका अनुसार कविता श्रृङ्खलालाई निरन्तरता दिईनेछ ।
Discussion about this post