इटहरी : हटब्याग पग्लिएर इटहरीकी एक किशोरीको शरीर जलेको छ । हटब्याग प्रयोग गर्ने क्रममा पानी धेरै तातो भएर पग्लिदाँ तल्लो पेट र कम्मरमुनि देब्रेपट्टिको खुट्टा पिल्सिएको हो ।
इटहरी उपमहानगरपालिका वडा नं. ६ की १९ वर्षीया एलिना तामाङले आँफूलाई पेट दुखेर हटब्याग प्रयोग गर्ने क्रममा अचानक पग्लिएर उनको शरीरको केही भाग नराम्ररी पिल्सिएको उनकी हजुरआमा विष्णु शेर्पाले बताईन् ।
उनका अनुसार माघ ६ गते उक्त घटना भएपनि आर्थिक अभावका कारण माघ २० गते मात्रै उनलाई बिराट टिचिङ हस्पिटलमा भर्ना गरिएको थियो ।
‘एक हप्ता उपचार गराएपनि पूर्ण रुपमा सुधार नभएको र हप्तैपिच्छे दुई महिनासम्म निरन्तर हस्पिटल लैजानुपर्ने डाक्टरको सुझाव छ,’ उनले भनिन्, ‘कोशी कलेजमा नृत्य सिकाएर आएकी थिई, पेट दुख्यो भनेर हटब्याग प्रयोग गर्दा अचानक यस्तो नराम्रो घटना भयो ।’
अहिले प्लास्टिक सर्जरी गरेको र कम्मरमुनीको भागमा पिल्सिएर घाउ भएकाले असहज भएको उनले बताईन् । आर्थिक अवस्था कमजोर रहेकाले केही सहयोग रकम उपलब्ध भए उपचारमा सहज हुने उनको भनाई थिउो ।
नगद पन्ध्र हजार सहयोग
यसैबीच नेपाली कांग्रेसका युवा नेता विकास केसीको पहलमा नगद पन्ध्र हजार रुपैँया सहयोग रकम हस्तान्तरण गरिएको छ । इटहरी १ निवासी हाल लन्डन बस्दै आएका लाल सुब्बाले पठाएको रकम मंगलबार नेता केसीले पीडित परिवारलाई हस्तान्तरण गरेका थिए ।
योङ बर्दश क्लबका संस्थापक, खेलप्रेमी सुब्बाले यसअघि पनि सामाजिक कामका निम्ति रकम प्रदान गर्दै आएका छन् ।
पहिल्यैदेखि खेलकुद क्षेत्रमा चासो राख्ने उनी अहिले विदेशमा रहेपनि गरीब, विपन्नलाई सहयोग गर्दै आएका छन् ।
Discussion about this post