इटहरी : सुनसरीको रामधुनी नगरपालिका १ स्थित पूर्वपश्चिम राजमार्गमा मोटरसाइकललाई ठक्कर दिँदा एकजनाको मृत्यु भएको छ ।
नम्बर नखुलेको सवारीले प्र ३–०२–००९ प ८४१४ नम्बरको मोटरसाइकललाई ठक्कर दिँदा मोटरसाइकल चालक मोरङ हसनदहका ३५ वर्षीय पूर्णबहादुर कार्कीको मृत्यु भएको पूर्व क्षेत्रीय ट्राफिक प्रहरी कार्यालय इटहरीले जनाएको छ ।
ठक्करबाट गम्भीर घाइते भएका उनलाई उपचारको लागि इटहरीस्थित एपेक्स हस्पिटलमा पठाइएकोमा त्यहाँबाट थप उपचारका लागि धरानस्थित वीपी कोइराला स्वास्थ्य विज्ञान प्रतिष्ठान ल्याइएकोमा उपचारको क्रममा मृत्यु भएको प्रहरीले जनाएको छ ।
ठक्कर दिने सवारीको खोजी भइरहेको छ । के कुन सवारीले ठक्कर दिएको हो भन्ने खुल्न नसकेको प्रहरीले जनाएको छ । तीव्र गतिका कारणले दुर्घटना भएको जनाइएको छ ।
मोटरसाइकल प्रहरी चौकी झुम्काको नियन्त्रणमा रहेको छ ।
Discussion about this post