विराटचोकमा दुर्घटना हुँदा दामोदरको मृत्यु

सुन्दरहरैँचा : मोरङको सुन्दरहरैँचा नगरपालिका १० विराटचोकमा दुर्घटनामा परेर एक जनाको मृत्यु भएको छ ।

पूर्वतर्फ जाँदै गरेको को २ प ९५१६ नम्बरको मोटरसाइकल र प्रदेश १–०२–००१ ख ८६५४ नम्बरको ट्रक एकआपसमा ठक्कर हुँदा दुर्घटना भएको प्रहरीले जनाएको छ ।

दुर्घटनामा परेर मोटरसाइकल चालक सुन्दरहरैँचा नगरपालिका १२ घर भएका ७२ वर्षीय दामोदर भट्टराईको मृत्यु भएको पूर्व क्षेत्रीय ट्राफिक प्रहरी कार्यालय इटहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।