विदेश जाने सुनसरीका नागरिकहरूलाई आज र भोलि कोरोनाविरुद्धको खोप लगाईदैँ

इटहरी : विदेश जान लागेका सुनसरीका नागरिकहरूलाई कोरोनाविरुद्धको जोनसन एण्ड जोनसन खोप आज र भोलि जिल्ला अस्पताल इनरुवामा लगाईने भएको छ ।

स्वास्थ्य कार्यालय सुनसरीका प्रमुख सागर प्रसाईँका अनुसार एक मात्रा लगाए पुग्ने जोनसन एण्ड जोनसन खोप विदेश जानेहरुले राहदानीको फोटोकपी र भिसाको फोटोकपी सहित उपस्थित भई जिल्ला अस्पताल इनरुवामा खोप लगाउन सक्नेछन् ।

साउन १७ र १८ गते बिहान साढे १० बजे देखि अपराह्न ४ बजे सम्म खोप लगाउन पाइने उनले बताए ।