उदयपुर : बालिकामाथि बलात्कार गरेको आरोपमा एक जना वृद्धलाई प्रहरीले पक्राउ गरेको छ ।
उदयपुर त्रियुगा बस्ने १० वर्षीया बालिकामाथि बलात्कार गरेको आरोपमा प्रहरीले सोही ठाउँका ६४ वर्षीय पुरूषलाई पक्राउ गरेको जिल्ला प्रहरी कार्यालयका प्रहरी नायब उपरीक्षक वेदप्रसाद गौतमले जानकारी दिएका छन्।
गौतमका अनुसार उनले असार १२ गते बालिकामाथि बलात्कार गरेका थिए। उनले सो घटनाबारे मार्ने धम्की दिई फरार भएको आरोप छ।
सोही डरले बालिकाले पनि कसैलाई तत्काल जानकारी गराएकी थिइनन्। असार १५ गते बालिकालाई अत्यधिक पीडा भएपछि आमालाई घटनाबारे बताएको प्रहरी नायब उपरीक्षक गौतमले बताए। सो खबर प्रहरीले पाएपछि ती वृद्धको खोजतलास गरी पक्राउ गरेको हो।
प्रकाउ परेका उनीमाथि प्रहरीले थप अनुसन्धान कार्य अघि बढाएको जनाएको छ।
Discussion about this post