उदयपुर : उदयपुरको बेलका नगरपालिका ५ गलेनीमा मोटरसाइकलको ठक्करबाट एक वृद्दको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार पूर्वतर्फ आउँदै गरेको प्रदेश १–०२–०४१ प १८०८ नम्बरको मोटरसाइकलको ठक्करबाट पैदलयात्री ८० वर्षीय रामबहादुर श्रेष्ठको मृत्यु भएको हो ।
आइतबार साँझ भएको दुर्घटनाबाट गम्भीर घाइते भएका श्रेष्ठको धरानस्थित वीपी कोइराला स्वास्थ्य विज्ञान प्रतिष्ठानमा उपचारको क्रममा राति मृत्यु भएको प्रहरीले जनाएको छ ।
मोटरसाइकल चालक सुनसरी रामधुनी नगरपालिका ३ झुम्काका २४ वर्षीय रोयल कुमार चौधरी र पछाडि सवार सोही स्थानका २४ वर्षीय सुरजकुमार चौधरी समान्य घाइते भएका छन् ।
उनीहरुलाई प्रहरीले नियन्त्रणमा लिएको छ ।
Discussion about this post