तरहरा : इटहरी २० तरहराका १०२ वर्षीय इन्द्रबहादुर लिम्बूको निधन भएको छ ।
१८ वर्षको उमेरमै बिट्रिस आर्मीमा भर्ती भएका उनले २८ वर्ष सेवा गरे । सन् १९४१ मा विश्वयुद्धमा बर्मामा बेलायती फौजमा भर्ती भएका उनी क्याप्टेन पदमा दोस्रो विश्वयुद्धमा समेत सहभागी भएका थिए ।
२० वर्षअघि युकेकी माहारानी एलिजाबेद द्वितीयद्वारा सम्मानित समेत भएका उनी तरहराका सबैभन्दा जेष्ठ नागरिक हुन् ।
छ श्रीमती, पाँच छोरा, ८ छोरी लगायत नातिनातिना गरि ९८ जना उनका सन्तान रहेको पारिवारिक स्रोतले जनाएको छ ।
साबिक हाँसपोसाका संस्थापक रहेका उनले तरहरालाई चिनाउन महत्त्वपूर्ण योगदान गरेका छन् । वि.सं. २०२५ सालदेखि साबिकको हाँसपोसा, हाल तरहरा बसोबास गर्न थालेका उनलाई यहाँका नवपुस्ताले पनि विश्वयुद्धको नायकका रुपमा चिन्छन् ।
उनको मंगलबार दिउँसो ३:१५ बजे निजनिवास तरहरामै निधन भएको र आज (बुधबार) अन्त्यष्टी गरिने पारिवारिक स्रोतले जनाएको छ ।
Discussion about this post