इटहरी : इटहरी इलाका प्रहरी कार्यालय इटहरीमा कार्यरत प्रहरी जवान सम्म तिवारी भदौ महिनाको उत्कृष्ट प्रहरी ‘पुलिस अफ द मन्थ’ घोषित भएका छन् ।
प्रहरी संगठनभित्र रहेर अपराध नियन्त्रण तथा समाजमा शान्ति सुरक्षा कायम गर्ने सवालमा अब्बल भूमिका निर्वाह गरेको भन्दै इटहरी प्रहरीका जवान पदमा कार्यरत तिवारीलाइ भदौ महिनाको ‘पुलिस अफ द मन्थ’उपाधिबाट सम्मान गरिएको हो ।
सामाजिक सुरक्षा अन्तरगत दिन रात खटिने प्रहरीहरूको मनोबल बढाउन जिल्ला प्रहरी कार्यालय सुनसरीले प्रत्येक महिना जिल्लामा कार्यरत उत्कृष्ट प्रहरीहरूलाई महिनैपिच्छे उक्त उपाधिबाट सम्मान गर्दै आएको जिल्ला प्रहरी कार्यालय सुनसरीका प्रमुख प्रहरी उपरीक्षक सञ्जयसिंह थापाले बताए ।
Discussion about this post