मोरङ : ट्याक्टर र मोटरसाइकल ठोक्किँदा मोरङको रतुवामाई नगरपालिका ८ मा एक जनाको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार उत्तरबाट दक्षिणतर्फ जाँदै गरेको मे १ त ४४८७ नम्बरको ट्याक्टर र विपरीत दिशाबाट आउँदै गरेको प्र ३–०२–००२ प ४५८७ नम्बरको मोटरसाइकल गएराति ८ बजेतिर एकआपसमा ठक्कर हुँदा एकको मृत्यु भएको हो ।
मृत्यु हुनेमा मोटरसाइकलको पछाडि सवार रतुवामाई ८ दाम्राभिट्टाका २८ वर्षीय यादव पाठक रहेका छन् ।
दुर्घटनामा परेर गम्भीर घाइते भएका पाठकको उपचारका क्रममा विराटनगरको न्यूरो अस्पतालमा मृत्यु भएको प्रहरीले जनाएको छ । दुर्घटनामा मोटरसाइकल चालक रतुवामाई ८ का २७ वर्षीय विवेक पोखरेल गम्भीर घाइते भएका छन् । उनको न्यूरो अस्पतालमै उपचार भइरहेको छ ।
दुर्घटनापछि प्रहरीले दुवै सवारी साधन र ट्याक्टर चालक रतुवामाई २ का ३२ वर्षीय गणेश पासवानलाई नियन्त्रणमा लिएर घटनाको अनुसन्धान सुरु गरेको जनाएको छ ।
Discussion about this post