इटहरी : इटहरी उपमहानगरपालिका ९ बसपार्कबाट लागूऔषधसहित एकजनालाई प्रहरीले पक्राउ गरेको छ ।
जिल्ला प्रहरी कार्यालय सुनसरीका अनुसार आज (मंगलबार) बिहान लागूऔषध कारोबार भइरहेको भन्ने सूचनाको आधारमा इलाका प्रहरी कार्यालय इटहरीवाट खटिएको प्रहरीले टोलीले एक पुरुषलाई पक्राउ गरेको हो । पक्राउ पर्नेमा सिरहा लहान १ बस्ने ४५ वर्षीय डोमा मण्डल रहेका छन् ।
उनको शरीर तथा झोला खानतलासी गर्दा कालो रंगको झोला भित्रबाट लागूऔषध डायलक्स डी.सी १०० एम.एल.को ५० (पचास) बोतल, नाइट्रेजन ट्याबलेट ६०० ट्याबलेट फेला परेको प्रहरीले जनाएको छ ।
पक्राउ परेका उनीमाथि लागूऔषध नियन्त्रण ऐन २०३३ अन्तरगत मुद्दामा जिल्ला अदालत सुनसरीबाट म्याद थप गरी आवश्यक अनुसन्धान भइरहेको प्रहरीले जनाएको छ ।
Discussion about this post