इटहरी : नेपाल रेडक्रस सोसाइटी इटहरी उपशाखाको २४ औँ वार्षिक साधारणसभा सम्पन्न भएको छ ।
आज (सोमबार) इटहरीमा रेडक्रसले विविध कार्यक्रम गर्दै आफ्नो साधारणसभा सम्पन्न गरेको हो । रेडक्रस इटहरीका सभापति विमल पौडेलका अनुसार साधारणसभामा शव बाहन खरिद गरेर ल्याइएको छ । अघिल्लो साधारणसभामा शव बाहनका खरिदका लागि आह्वान गरिएको थियो ।
सोही अनुसार विभिन्न संघसंस्था तथा यशेष्कर सदस्य र विशिष्ट सदस्यहरूबाट प्राप्त रकमले शव बाहन खरिद गरिएको उनले बताए ।
शव बाहनको नेपाल रेडक्रस सोसाइटी इटहरीका संस्थापक संयोजक राजेश श्रेष्ठ र सभापति विमल पौडेलले रिबन काटेर शुभारम्भ गरेका थिए । साधारणसभामा शव बाहन खरिद गर्न सहयोग पु¥याउने संघसंस्था, यशेष्कर सदस्य तथा विशिष्ट सदस्यहरूलाई कदर पत्र प्रदान गरिएको छ ।
यस्तै, कार्यक्रममा शिक्षा तथा कलाका क्षेत्रमा महत्वपूर्ण योगदान पु¥याउने दुई जनालाई सम्मान गरिएको छ । शिक्षा क्षेत्रमा योगदान पु¥याउने लेखनाथ घिमिरे र कला क्षेत्रका माध्यमबाट इटहरीलाई चिनाउन महत्वपूर्ण योगदान गरेको भन्दै कलाकार विक्रमश्री लाई सम्मान गरिएको हो ।
नेपाल रेडक्रस सोसाइटी सुनसरीकी संस्थापक तथा नेपाल रेडक्रसकी पूर्व केन्द्रीय उपाध्यक्ष सरला कायस्थको प्रमुख आतिथ्यमा भएको साधारण सभा सम्पन्न भएको हो ।
Discussion about this post