इटहरी : इटहरीमा एकै दिन तीन वटा आधारभूत स्वास्थ्य केन्द्र भवनको उद्घाटन गरिएको छ ।
इटहरी उपमहानगरपालिकाका प्रमुख द्धारिकलाल चौधरीले वडा नम्वर १८, १९ र २० मा नवनिर्मित स्वास्थ्य इकाई भवनको शिलान्यास गरे ।
इटहरीका सवै वडाहरूमा आधारभूत स्वास्थ्य सेवा पु¥याउन यसअघि सरकारी स्वास्थ्य संस्था नभएका १४ वडामा आधारभूत स्वास्थ्य इकाई भवन निर्माण सम्पन्न भएका छन् ।
नगरप्रमुख चौधरीले अब आधारभूत सेवा लिन गाँउका बासिन्दाले टाढा जान नपर्ने बताए । उपप्रमुख लक्ष्मी गौतमले वडा वडामा निर्मित स्वास्थ्य इकाइ भवनवाट स्वास्थ्य सेवा संचालन गर्न जनशक्ति र आवश्यक सामाग्रीको ब्यवस्थापन भइसकेको जानकारी दिइन् ।
प्रमुख प्रशासकीय अघिकृत रामचरित्र मेहताले इटहरीका वडाहरूमा जग्गा ब्यवस्थापन गरेर स्वास्थ्य इकाई भवन निर्माण गरिनु सुनसरीमै उदाहरणीय कार्य भएको बताए ।
वडा नम्वर १८ मा वडाध्यक्ष रामकुमार चौधरी, १९ मा वडाध्यक्ष श्रीनारायण चौधरी र २० मा वडाध्यक्ष मणिराम श्रेष्ठको अध्यक्षतामा उद्घाटन कार्यक्रम भयो ।
Discussion about this post