धरान : ११२ औं अन्तराष्ट्रिय नारी दिवसको अवसर पारेर नेपाली कांग्रेस धरान उपमहानगर कार्यसमिति र महिला विभाग धरानको आयोजनामा निःशुल्क स्वास्थ्य शिविर सम्पन्न भएको छ ।
सोमबार धरान २ स्थित कांग्रेसको पार्टी कार्यालयमा निःशुल्क स्वास्थ्य शिविर सम्पन्न भएको हो ।
कांग्रेस धरानका सचिव जीतेन्द्र राईका अनुसार निःशुल्क स्वास्थ्य शिविर कार्यक्रममा करिब दुई सयजनाले स्वास्थ्य परीक्षण गराए । निःशुल्क स्वास्थ्य शिविर गर्नुअघि कांग्रेस धरानकी नेत्रीहरूलाई सम्मान गरिएको थियो ।
कृष्णकला मादेन लिम्बू, दिलकुमारी राई, सरस्वती ढकाल, राजकुमारी राई, ललिता अधिकारी शर्मा, पार्वती ताम्राकार, र हेमकुमारी बिश्वकर्मालाई सम्मान गरिएको हो ।
कार्यक्रमका प्रमुख अतिथि समेत रहेका नेपाली कांग्रेस प्रदेश १ का महासचिव उमेश थापा, प्रदेशसभा सदस्य चन्द्रप्रसाद श्रेष्ठ, कांग्रेस जिल्ला सभापति केशव भण्डारी, जिल्ला सचिव माधव घिसिङ, महासमिति सदस्य एवं मेयर तिलक राई, नगर सभापति श्याम पोख्रेल लगायतले दोसल्ला ओढाएर सम्मान पत्र प्रदान गरेका थिए ।
Discussion about this post