तरहरा : तरहरा जेसीजले विद्यालयमा स्यानिटरी प्याड वितरण गरेको छ ।
तरहरा जेसीज वर्ष २०२२ का अध्यक्ष उमेश राईका अनुसार रामधुनी नगरपालिका ७ मा रहेको पञ्चायन माविमा आयोजना गरिएको कार्यक्रममा चारसय थान स्यानिटरी प्याड वितरण गरिएको हो ।
पञ्चायन माविसहित यहाँका अन्य विद्यालयहरूबाट सहभागी विद्यार्थीहरूलाई चार सय थान प्याड वितरण गरिएको उनले बताए ।
उनले भने, ‘नारी दिवसको अवसर पारेर आयोजना गरिएको कार्यक्रममा महिनावारी सम्बन्धि पनि जनचेतनामुलक कार्यक्रम आयोजना गरिएको हो ।’
उनका अनुसार प्याड वितरणकै कार्यक्रममा महिनावारी सम्बन्धि डा. भूगोल शाक्यले जनचेतनामुलक सन्देश समेत प्रवाह गरे ।
रामधुनी नगरपालिका वडा नं. ७ की वडा सचिव शुभेक्षा पाण्डेको प्रमुख आतिथ्यतामा भएको कार्यक्रम तरहरा जेसीज वर्ष २०२२ की उपाध्यक्ष विमला गिरीको संयोजकत्वमा सम्पन्न भएको हो ।
Discussion about this post