झापा : झापाको बिर्तामोड नगरपालिका ५ मा श्रीमानको कुटाइबाट श्रीमतीको मृत्यु भएको छ ।
घटनामा संलग्न बिर्तामोड ५ का ४० वर्षीय श्रीमान कमल राउतलाई प्रहरीले पक्राउ गरेको छ ।
बुधवार राति राउतले घरायसी विवाद हुँदा आफ्नै श्रीमती ३९ वर्षीय खेमजुङ गुरुङलाई कुटपिट गरेका थिए ।
श्रीमानको कुटाइबाट गम्भीर घाइते भएकी खेमजुङको कन्काई अस्पताल बिर्तामोडमा सामान्य उपचार पश्चात थप उपचारको लागि विराटनरस्थित नोबेल अस्पताल लगिएको भएपनि उनको मृत्यु भएको प्रहरीले जनाएको छ । अस्पतालमा उपचार हुन नसकेपछि आफन्तले बिर्तामोडस्थित माइती घर ल्याएका थिए ।
बिहीबार राति साढे १० बजे उनको मृत्यु भएको प्रहरीले जनाएको छ । घटनाको कारणबारे प्रहरीले अनुसन्धान गरिरहेको छ ।
Discussion about this post