तरहरा : तरहरा जेसीजले मुसहर समुदायमा शैक्षिक सामाग्रीसहित लत्ताकपडा वितरण गरेको छ ।
तरहरा जेसीज वर्ष २०२२ का अध्यक्ष उमेश राईका अनुसार नयाँ वर्षको अवसर पारेर आज (शुक्रबार) मुसहर समुदायमा शैक्षिक सामाग्रीसहित लत्ताकपडा वितरण गरिएको हो ।
इटहरी १ मा रहेको यो समुदायमा झण्डै दुई सय थान झोला, कापी, पेन्सिल तथा लत्ताकपडा वितरण गरिएको राईले बताए ।
उनले भने, ‘हर्षका साथ नयाँ वर्ष मनाऔँ भनेर सबै नागरिकले शिक्षा पाउन् भन्ने उदेश्यले हामीले यो कार्यक्रमको आयोजना गरेका हौँ ।’
उनका अनुसार शैक्षिक सामाग्री अभावमा बालबालिका विद्यालय जानबाट बञ्चित नहुन् भन्ने उदेश्यले शैक्षिक सामाग्री वितरण गरिएको हो ।
तरहरा जेसीजका सचिव सुरज तामाङको संयोजकत्वमा भएको कार्यक्रममा जेसीजका पूर्व अध्यक्षहरू भोलाकाजी बस्नेत, मोहन दाहाल, मणिराम श्रेष्ठ र प्राकृतिक श्रोत द्वन्द रुपान्तर केन्द्रका क्षेत्रीय संयोजक राजन राई लगायतले मंतब्य राखेका थिए ।
हिसान सुनसरीका अध्यक्ष मुकुन्द घिमिरेको प्रमुख आतिथ्यतामा कार्यक्रम सम्पन्न भएको हो । कार्यक्रममा बोल्दै घिमिरेले तरहरा जेसीजबाट शिक्षा क्षेत्रमा भएको उक्त कार्यक्रम सकारात्मक रहेको भन्दै प्रशंसा गरे ।
Discussion about this post