इटहरी : अखिल क्रान्तिकारी सुनसरीको अध्यक्षमा नवीन दाहाल चयन भएका छन् । उनलाई क्रान्तिकारीको केन्द्रीय कार्यसमितिको बैठकले सुनसरी अध्यक्षमा चयन गरेको हो ।
इटहरीमा रहेर विद्यार्थीहरूको हक, हितमा आवाज उठाउँदै आएका दाहाल यसअघि जिल्ला पदाधिकारी थिए ।
जनता बहुमुखी क्याम्पसको इन्चार्ज समेत भइसकेका उनले जिल्ला अध्यक्ष भइसकेपछि यहाँका विद्यार्थीहरूको हकहितमा आवाज उठाउने बताए ।
यसअघि १२ औँ जिल्ला सम्मेलनमा सह–सचिवको भूमिका निर्वाह गरिसकेका दाहाललाई १३ औँ सम्मेलनबाट अध्यक्षमा चयन गरिएको हो ।
१३ औँ जिल्ला सम्मेलनमा सुनसरी अध्यक्षका लागि पाँचजना आकांक्षी थिए । पाँचजनाबीच ६ महिनासम्म सहमति नजुट्दा नेतृत्वबिहीन बनेको जिल्ला कमिटिलाई केन्द्रीय कमिटिले पूर्णता दिएको हो ।
समितिको उपाध्यक्षमा रोशन गिरी, यामकुमार पाण्डे, प्रदीप घिमिरे, नीता राई चयन भएका छन् ।
यस्तै, सचिवमा रबिन श्रेष्ठ, सह–सचिवमा अनिल राई, विनिता कटवाल र कोषाध्यक्षमा एहेसान अन्सारी चयन भएका छन् ।
यस्तै, यसअघि ५१ सदस्यीय समिति जिल्ला सम्मेलनबाट चयन भएका थिए ।
Discussion about this post