तरहरामा रहेको जुनियर लिबरल सोसाइटीले यहाँ रहेका कुकुरलाई दैनिक खाना खुवाउँदै आएको छ ।
विहान १० बजेको समयदेखि इटहरी उपमहानगरपालिका वडा नं. २० मा रहेका सबैजसो कुकुरलाई खाना खुवाउँदै आएको जुनियर लिबरलका संयोजक हिमांशु विश्वकर्माले बताए ।
उनका अनुसार यहाँ रहेका ८० वटा कुकुरलाई दैनिक दूध भात खुवाउँदै आएको छ ।
हामीले दिन बिराएर दूध भात र मासु भात खुवाउँदै आएका छौँ, उनले टाकुरासँग भने, दुई सातायताबाट हामीले खाना खुवाएका हौँ । कुकुर भोकभोकै मर्ने स्थिति भएकाले खाना खुवाउँन थालेका हौँ ।
करीब दुई दर्जन बढी युवाहरुको समूहले दैनिक खाना खुवाउँदै आएको उनले बताए ।
उक्त कार्यका लागि सिनियर लिबरल सोसाइटीले समन्वय गरेको अध्यक्ष सुबेक्छु देवानले बताए ।
Discussion about this post