इटहरी : सप्तकोसी नदीमा डुंगा पल्टिएको छ ।
जिल्ला प्रहरी कार्यालय सुनसरीका प्रवक्ता डीएसपी नरेन्द्र कार्कीका अनुसार आज (शनिबार) बिहान श्रीलंका टापुबाट दाउरा लोड गरी वारी आउने क्रममा सप्तकोसी नदीमा डुंगा पल्टिएको हो ।
डुंगा पल्टिदाँ बराहक्षेत्र नगरपालिका वडा नं. २ का २० वर्षीय अमर विष्ट बेपत्ता भएका छन् । बेपत्ता विष्टको अहिले सशस्त्र प्रहरी बल, नेपाल प्रहरी र स्थानीयले खोजी गरिरहेको डीएसपी कार्कीले बताए ।
‘डुंगामा चारजना सवार रहेछन्, बाँकी तीनजना पौडी खेलेर सप्तकोसी तरेको र बाँकी एकजना बेपत्ता भएको खबर आएसँगै खोजतलास भइरहेको छ,‘ डीएसपी कार्कीले टाकुरासँग भने, ‘नदी पारीबाट काठको डुंगामा वारी आउने क्रममा अचानक डुंगा पल्टिएछ, घटनाबारे थप अनुसन्धान भइरहेको छ ।’
डीएसपी कार्कीका अनुसार दाउरा भेला पारेर १३ नम्बर (सिसौली घाट) भन्ने ठाउँ आउदै गर्दा बिहान ८ः ३० बजेतिर कोशीमा डुंगा पल्टिएको प्रहरीलाई खबर भएको थियो ।
Discussion about this post