इटहरी : इटहरीको मुख्य चौकमा ट्राफिक लाइट र सिसी क्यामेरा जडान गरिएको छ ।
पछिल्लो समय बढ्दो सवारी चाप तथा सवारी दुर्घटना न्यूनीकरण गर्नका लागि इटहरीको मुख्य चौकमा ट्राफिक लाइट र सिसी क्यामेरा जडान गरिएको हो ।
प्रदेश १ का आन्तरिक मामिला तथा कानूनमन्त्री केदार कार्कीका अनुसार प्रदेश सरकारको २६ लाख रुपैयाँको सहयोगमा लाइट जडान गरिएको हो ।
मुख्य चोक आसपासको क्षेत्रलाई सवारी जाम न्यूनीकरण गर्न र सडक अपराधबाट बचाउन सिसी क्यामेरा र लाइट प्रभावकारी हुने कार्कीले बताए ।
पैदल यात्रुलाई मध्यनजर गर्दै जेब्रा क्रसको व्यवस्थापनमा समेत ध्यान दिइने उनको भनाई थियो ।
पूर्व क्षेत्रीय ट्राफिक प्रहरी कार्यालय इटहरीको सहकार्यमा लाइटको सिग्नल कन्ट्रोल ट्राफिक कार्यालयबाट गरिने व्यवस्था मिलाइएको छ । यस्तै, सिसी क्यामेराको निगरानी इलाका प्रहरी कार्यालय इटहरीले गर्ने जनाइएको छ ।
Discussion about this post