सुनसरीको झुम्काबाट ३ दिन अघि भक्तपुर गएकी थिइन् नयाँ संक्रमित

नेपालमा एकैदिन मंगलबार ८३ जनामा कोरोना भाइरस संक्रमणको पुष्टि भयो ।
जसमध्ये मंगलबार साँझ भक्तपुरमा देखिएका दुईजना कोरोना संक्रमितमध्ये एक २५ वर्षीय महिला सुनसरीको झुम्काबाट गएको खुलेको छ।
ती महिला तीन दिन अगाडि मात्रै सुनसरीको झुम्काबाट गएको जिल्ला प्रहरी कार्यालय भक्तपुरका एसपी सविन प्रधानले जानकारी दिए।
नेपालमा अहिलेसम्म २१७ जनामा संक्रमित रहेका छन् । जसमध्ये ३४ जना निको भइसकेका छन् ।