इटहरी : इटहरीमा रहेको बेदान्त हस्पिटलमा हरेक शनिबार मानसिक रोगको उपचार हुने भएको छ । डाक्टर राजन मिश्राबाट हरके शनिबार मानसिक रोगको उपचार हुने भएको हो ।
बेदान्त हस्पिटलका प्रबन्ध निर्देशक इन्द्र श्रेष्ठका अनुसार हरेक महिनाको दोस्रो शनिबार डा. मिश्राबाट मानसिक रोगको उपचार हुने भएको हो । मानसिक अस्पतालबाट हाल विराट टिचिङ्ग हस्पिटलमा सेवा दिइरहेको मिश्राले अबदेखि इटहरीको बेदान्तमा पनि सेवा दिने श्रेष्ठले बताए ।
२४ घण्टै इमरजेन्सी सेवा, डिजिटल एक्सरे, फार्मेसी, ल्याब, अप्रेसन ,प्लाष्टरका सेवाहरु दिदैँ आएको बेदान्त हस्पिटलले प्रत्येक दिन विभिन्न रोगका विशेषज्ञ डाक्टरहरूबाट सेवा दिदैँ आएको छ ।
यी हुन् मानसिक रोगका लक्षण र कारण
– डिप्रेसनका बिरामीमा असामान्य व्यवहार गर्ने ।
– टाउको, नशा, छारे रोग, मृगी लागूऔषध प्रयोग, झर्किने, दिक्क लाग्ने, नकारात्मक सोच बढी आउने, दिमागले राम्रोसँग काम गर्न नसकेको जस्तो लाग्ने, रुन मन लाग्ने, काममा मन नलाग्ने , डिप्रेसन बढ्दै गएमा आत्महत्या गर्ने सोचाइ आउने, आफ्नो ख्याल राख्न छाड्ने अर्थात् कुनै कुरामा ध्यान नदिने, एक्लै बस्ने ।
– एन्जाइटीका बिरामीमा डर लाग्ने, तर्सिने, बिनाकारण झसङ्ग हुने, शरीरमा कम्पन हुने, श्वास फेर्न गाह्रो हुने, पसिना आउने, निद्रा नपर्ने, छटपटी हुने, कामको बेलामा विभिन्न खालको डर महसुस हुने ।
– मानसिक असन्तुलन भएका व्यक्तिमा अत्यधिक रिसाउने, तोडफोड गर्ने, अनावश्यक शंका गर्ने, घमण्ड गर्ने, ठूलो स्वरमा बोल्ने समस्या हुन्छ । रोगको वास्तविकता थाहा नहुने, कानमा कुनै किसिमको आवाज सुन्ने आदि कडा मानसिक रोगका लक्षण हुन् ।
Discussion about this post