झापा : प्रदेश १ स्तरीय महिला भलिबलको उद्घाटन खेल झापाको दमकमा आयोजना भएको छ ।
प्रदेश नम्बर १ खेलकुद विकास बोर्डका सदस्य सचिव हंशराज वाग्लेले महिला भलिवलको उद््घाटन गरे । उद्घाटनपछि झापाको दमकमा तीन खेल भएका थिए भने झापाकै कमल गाउँपालिकास्थित पाडाजुँगीमा तीन खेल सम्पन्न भएका थिए ।
दमकमा भएको संखुवासभा र पाँचथरबीच भएको खेलमा संखुवासभाले सोझो सेटमा जित हासिल गर्यो । पाँचथर दुवै खेलमा ११ अंकमा सीमित भयो ।
त्यसैगरी तेह्रथुम र इलामबीच भएको दोस्रो छनौट खेलमा तेह्रथुमले सोझो सेट जित हासिल गर्यो । इलामले पहिलो खेलमा १७ र दोस्रो खेलमा १९ अंक ल्याएको थियो । झापाको दमकमा भएको तेस्रो खेलमा झापा र सोलुखुम्बुबीच भएको थियो ।
उक्त खेलमा झापाले सोलुखुम्बुलाई सोझो सेटमै पराजित गर्यो । सोलुले पहिलो सेटमा १७ अंक ल्यायो भने दोस्रोमा २३ अंक ल्याएको थियो ।
कमल गाउँपालिकाको पाडाजुगीँमा भएको अर्को खेलमा ओखल्ढुगां खोटाङ्ग र उदयपुरले जित हासिल गरेको छ ।
ओखलढुंगा र धनकुटाबीच भएको खेलमा ओखलढुंगाले जित हासिल गरेको थियो भने खोटाङ्ग र ताप्लेजुङ्गबीच भएको खेलमा खोटाङ्ग र सुनसरी र उदयपुरबीच भएको अर्को खेलमा उदयपुरले जित हासिल गरेको छ ।
Discussion about this post