प्रदेश १ स्तरीय खो–खो प्रतियोगिता सम्पन्न, पुरुषमा झापा प्रथम, महिलामा मोरङलाई उपाधि

इटहरी : प्रदेश नम्बर १ स्तरीय खो–खो प्रतियोगिता झापाको बिर्तामाडमा आइतबार सम्पन्न भएको छ ।

आगामी २८ गतेदेखि कार्तिक ३ गतेसम्म सञ्चालन हुने नवौँ राष्ट्रिय खेलकुद प्रतियोगिताको लागि भएको छनौट खेलमा पुरुषतर्फ झापा जिल्ला प्रथम बनेको छ ।

यसैगरी दोस्रोमा मोरङ आएको छ भने तेस्रोमा संखुवासभा र तेह्रथुम आएका छन् ।

यसैगरी महिलातर्फको खो–खो प्रतियोगितामा मोरङले उपाधि हात पारेको छ भने संखुवासभा दोस्रो बनेको छ । आइतबार भएको फाइनल खेलमा तेस्रो उपाधि झापा र तेह्रथुमले जितेका छन् ।

खेलमा प्रदेश १ का पाँच वटा जिल्लाले सहभागिता जनाएका थिए ।