इटहरी : लागूऔषधसहित इटहरी २० तरहराका एक युवकलाई प्रहरीले पक्राउ गरेको छ ।
इलाका प्रहरी कार्यालय इटहरीका अनुसार सोमबार साँझको समयमा लागूऔषधसहित एक युवकलाई प्रहरीले पक्राउ गरेको हो । पक्राउ पर्नेमा इटहरी २० तरहरा बस्ने सनम थापा मगर रहेका छन् ।
गोप्य सूचनाको आधारमा उनको घर, कोठा खानतलासी गर्दा लुकाईछिपाई राखेको लागूऔषधसहित मगरलाई प्रहरीले पक्राउ गरेको हो ।
स्पास्पेन लेखिएको ट्याब्लेट २९ पत्तामा २८८ ट्याबलेट, ट्रमाडोल लेखिएको २७ पत्तामा २७८ क्याप्सुल र गाँजा जस्तो देखिने १ किलोग्रामसहित उनलाई पक्राउ गरिएको हो ।
पक्राउ परेका मगरमाथि सुनसरी जिल्ला अदालतबाट म्याद थप गरी अनुसन्धान भइरहेको इटहरी प्रहरीले जनाएको छ ।
Discussion about this post