इटहरी : इटहरीमा रहेको कामधेनु दूग्ध विकास सहकारी संस्था लिमिटेडको २३ औँ साधारणसभाबाट यादप ढकाल अध्यक्षमा निर्वाचित भएका छन् ।
सोमबार सम्पन्न साधारणसभाबाट अध्यक्षका प्रत्यासीहरू हिक्मतबहादुर काफले र गोविन्द रेग्मीलाई पराजित गर्दे ढकाल अध्यक्षमा निर्वाचित भएका हुन् । ढकालले कूल २ सय १६ मत प्राप्त गर्दै निर्वाचित भएका हुन् । अध्यक्षका प्रतिष्पर्धी काफ्लेले ७६ मत र रेग्मीले ३० मत प्राप्त गरे ।
निर्वाचन अधिकृत मोहन भट्टराईका अनुसार उपाध्यक्षमा इन्द्रबहादुर बानियाँ निर्वाचित भएका छन् । उनले वेदप्रशाद दाहाललाई पराजित गर्दे उपाध्यक्षमा निर्वाचित भएका हुन्।
यसैगरी सदस्यहरूमा राजेन्द्र अधिकारी, बाबुराम कार्की, विनोदप्रसाद गुरागाईँ, लुमहरी कोइराला, रामप्रसाद काफ्ले र इश्वरीप्रसाद वस्ती निर्वाचित भएका छन् ।
यस्तै, लेखा समिति संयोजकमा देवीप्रसाद भटराई निर्वाचित भएका छन् । समितिकै महिला सदस्यहरूमा भने भोजकुमारी निरौला, शारदा खतिवडा र सीता भटराई फुयाँल सर्वसम्मत निर्वाचित भएका छन् ।
सर्वसम्मत चयन हुनेमा लेखा समिति सदस्य पदम सुवेदी, नगेन्द्रजंग थापा रहेका छन् ।
कामधेनुमा ४ सय ४१ जना सेयर सदस्य रहेका छन् । दैनिक ११ हजार लिटर दूध तथा दूग्धजन्य पदार्थहरू बिक्री हुँदै आएको बताइएको छ ।
Discussion about this post