भीरबाट लडेर एक पुरुषको मृत्यु

संखुवासभा : भीरबाट लडेर संखुवासभाको माप्यदूधकोसी गाउँपालिका ३ खास्तापका ३५ वर्षीय अमृत राईको मृत्यु भएको छ ।

शुक्रबार घरबाट निस्किएका राईको शव आइतबार (आज) खास्तापकै चेम्सी खोलामा फेला परेको हो ।

भीरबाट लडेका राईको शव करीब एक सय ५० मिटर तल चेम्सी खोलामा स्थानीयले फेला पारेका थिए ।

घटनाबारे थप अनुसन्धान भइरहेको कोसी प्रदेश प्रहरी कार्यालय विराटनगरले जनाएको छ ।