दमकमा हावाहुरीले रुखको हाँगा भाँचिएर लाग्दा एक महिलाको मृत्यु

झापा : झापामा हावाहुरीसहित आएको असिनापानीका कारण एकजनाको मृत्यु भएको छ ।

जिल्ला प्रहरी कार्यालय झापाका अनुसार हावाहुरी चल्दा रुखको हाँगा भाँचिएर लाग्दा घाइते भएकी दमककी ४० बर्षीया सिलाई धिमालको उपचारको क्रममा मृत्यु भएको छ ।

दमक वडा नं. ४ तारावारीको अर्नाखाडीमा भन्ने ठाँउकी स्थानीय धिमाललाई रुखको हाँगाले लागेपछि गम्भीर घाइते भएकी थिइन् । उपचारको क्रममा उनको मृत्यु भएको हो ।

घटनाबारे थप अनुसन्धान भइरहेको प्रहरीले जनाएको छ ।