इटहरी : इटहरीमा स्कूल थिएटरको समापन गरिएको छ ।
कलालय इटहरीले सञ्चालन गरेको स्कूल थिएटरको आठौं संस्करणको समापन गरिएको हो
। इटहरीको तायारिप्ची भवनमा दुई दिने नाट्य प्रदर्शनीसँगै स्कूल थिएटरको समापन गरिएको कलालय इटहरीका अध्यक्ष सोनु जयन्तीले बताए ।
समापन कार्यक्रमकी प्रमुख अतिथि सुनसरीकी प्रमुख जिल्ला अधिकारी हुमकला पाण्डेले नाट्य विधाले समाजको यथार्थ चित्रण बताउने बताइन् ।
‘नाटकले समाजको चित्र तीतो सत्य बोल्छ,’ उनले भनिन्, ‘हाम्रो पेसा फरक भएपनि भावनात्मक सम्बन्ध एउटै हुन्छ ।’
कार्यक्रममा कवि मनु मञ्जिलले बच्चालाई जे चायो, त्यही बनाउन सक्ने गतिलो माध्यम नाटक विधा रहेको बताए । नाटक गर् भन्दा गाह्रो हुने तर केही नभन्दा कतिपय बच्चाहरूले नाटकै मात्र गर्ने उनको तर्क छ ।
कार्यक्रममा १५ दिनसम्म कार्यशालामा सहभागी बाल कलाकारहरूले विभिन्न शीर्षकमा पाँच वटा नाटक प्रस्तुत गरेका थिए । स्कुल थिएटरमा सहभागी बालबालिकाहरूले नै नाटक निर्देशन गरेको बताइएको छ ।
तस्वीरहरू : उजल दुलाल ।
Discussion about this post